Loading...
القائمة الرئيسية
قصيدة شكر وتقدير للشاعر / سعيد بن خزيم آل حاسن لكل من فزع وشارك من قبيلة البهشه وقبائل رجال الحجر وقبائل شهران وغيرها من القبائل

مل قلب كل ماهاضت بيوت الشعر غنى

يتنقى من بنات الفكر الامثال الجميله

يالله انك ياكريم الجاه عاونا وعنا

المصايب ننتظرها كل يوم وكل ليله

وقتنا نصبر على ضيمه وكنه ممتحنا

كل ماساويت حمل شعيل جاء في الحمل ميله

ضاق صدري يازمنا ضاق صدري يازمنا

وقتنا جيله يخالفني وانا اخالف لجيله

جيلهم خير كثير ودينهم قل وتدنى

الولد والبنت كلاً فرحته شوفه زميله

مادرو والشك زايل ان رضينا وان زعلنا

كل واحد في ايده الجوال والشاحن يشيله

من يقول انا نعود مثل ماكانو وكنا

مثل من يبغى يعدل سيل وادي عن مسيله

ياهملنا جنبو الي في المحاجر ياهملنا

مانبي بيع الردوم ولا نبي نشري الهزيله

الكرامه للنشامى من عملنا في صحنا

وان لفانا ساير ماقابله يمنى بخيله

من مذاهبنا وتلقى يامهنا ماتمنى

الردى منا بعيد والخطى مانستوي له

راس مالي لابة ٍ قوة صداها في وطنا

نورها فوق الاراضي مثل براق المخيله

من غلا ربعي وصول بدودها منا ومنا

لاخلا ولاعدم وانشهد اني من قبيله

من شمال بلادنا جيرانا والساس منا

جمعهم ماينهزم ودهاه وسيوف صقيله

هم عيال ابن سوا هلها وهل رمح مطنى

يكسبون الطايله ويصنعون المستحيله

جنبهم صبيان عابس في المواقف ماتثنى

من وقع في دقلهم عند الملاقى ياحليله

بلغوهم خالص التقدير والعرفان عنا

لابةٍ فزعاتهم للمبتلى تشفي غليله

لبسهم غالي السلاح وكيفهم هيل وبنا

تنتمي للنايد الي غيرها ماينتمي له

وان ذكرنا الابه الي فيهم العذرى تغنى

دقلهم لاما ورد يفرق عميلًا من عميله

نعم ياصبيان غالب يامزابين المجنى

ياسلاطين الرجال الي لهم حيل وحيله

يارجال الحجر هيبه شامنا مع يمنا

واحد ماهو بمنكم يالنشامى عزتي له

وشهران اهل القنى والخيل والسيف المحنى

من قديم الوقت وطيتهم على المخطي ثقيله

المكارم والمذاهب والقصور الي تبنى

كل منهم ينطح الحراب ويزبن دخيله

الزمان يدور ويدور الفلك والله يمنا

والله انه ماينام وينخدع غير الهبيله

شيبنا غطى لحانا وابتلينا وامتثلنا

والدهر في ميلته يبغى غلام يرتكي له

يالله ان تغفر لنا ياربنا واقبل عملنا

ماعلى الدنيا قرار ووقتنا هاذا حصيله

واقبلو تقصيرنا في ما بدر منا وقلنا

كل رجالاً على دنيا الفنى عقله دليله

بيض الله وجه من شارك وفي اللازم تعنى

من حضر ولا اتصل والله ماننسى جميله

ياقبايلنا جملتو والجميل الي وصلنا

نرفع البيضاء لكم ترقى على راس الطويله

شاركـنـا !
أترك تعليق

تابعنا علي شبكات التواصل
تغريدات تويتر
صحيفة نازلة بللحمر الإلكترونية