Loading...
القائمة الرئيسية
قصيدة رثاء ( راح ابن علوان وبلاده بعد حيه)

قصيدة رثاء للشاعر / سعيد بن خزيم آل حاسن في المرحوم له بإذن الله / سعيد بن عبدالله آل علوان نسأل الله العلي العظيم أن يرحمه بواسع رحمته وان يسكنه فسيح جناته

راح ابن علوان وبلاده بعد حيه/الله ولا التركه الي مات راعيها
من حبها يكثر الروحات والجيه/يعشق بلاد العنى من حب اهاليها
الحوش منصوب والجدران مبنيه/ماسكر ابوابها الي كان بانيها
فيها يرودونه الربع الشقرديه/لان المواجيب ياخذها ويعطيها
عز الله ان غيبته ماهي بعاديه/الأيام في غيبته شفنا مواريها
ناره كليل ومن جمر القرض حيه/ويثولث النجر وضيوفه يحيها
فقير ويضاهي الربع الغناويه/دنياه ماحسب اولها وتاليها
ياخذ ويعطي وله وجه وجاهيه/نفسه على قدر ضيفانه مضريها
خلف رجالاً تسمي به ومسميه/انشد وتلقى مع الاجواد طاريها
الدار مسكونه ماهي خلاويه/الله يرد المياه إلى مجاريها
القصر يبنى على عاليه عليه/هاذي فعول الرجال وذي هقاويها
في وسط قلبي من الهوجاس ماريه/دورات الأيام تلعب بي طواريها
اسج في الارض واخلاقي تجاريه /بعض المخاليق مانبغى نماريها
في نظم الأمثال ماهي بأي مرثيه/تحلى مواضيعها للي يحاليها
هاذا الذي قلت والله يصلح النيه/مبدأ القصيدة يعبر عن معانيها
الشاعر /سعيد بن خزيم

شاركـنـا !
Digg thisTweet about this on TwitterShare on TumblrShare on StumbleUponShare on LinkedInShare on RedditShare on YummlyPin on PinterestShare on Google+Share on Facebook
أترك تعليق

تابعنا علي شبكات التواصل
تغريدات تويتر
صحيفة نازلة بللحمر الإلكترونية