Loading...
القائمة الرئيسية
ردية بين كل من الشاعر عبدالرحمن المشعبي السبيعي وعبدالرحيم بن حثلة البهيشي

قصيدة للشاعر عبدالرحمن بن مدغم المشعبي السبيعي ،والرد  من الشاعر عبدالرحيم بن حثله البهيشي الأحمري .

  • عبدالرحمن المشعبي
    صخّرت في مدح الرجال الميامين
    ابيوت شعرٍ من بيوتٍ جزايل
  • ماهيب في مدح الضعوف الهزيلين
    الا بمدح اهل الوفا والجمايل
  • سلام تسليمٍ من الخاطر الزين
    ياسامعين الصوت والشك زايل
  • يامرحبا ترحيبةٍ تقضي الدين
    إعداد ضوح البرق وسط المخايل
  • يـ ال ربيع الي على العز ضارين
    ياهامة من فوق روس الطوايل
  • أنتم فعايلكم تهز الميادين
    فعايلٍ ماهيب ايّة فعايل
  • افخر واماري لامدحت السلاطين
    وأنتم سلاطين الفعول الهوايل
  • وافين يا روس المطاليق وافين
    ياهل الكرم واهل السيوف الصقايل
  • الاحمري وسط المواقف حمر عين
    واليا ارتكا لحمول الأيام شايل
  • ألآد البهيشي لاغداالعلم علمين
    تروي بحدب امرهفات السلايل
  • سطواتكم يوم اللقا تذهل العين
    ياكاسبين العرف يأهل الجمايل
  • عز الرفيق وللمواجيب حامين
    ياطيبكم طيباه والراس طايل
  • فعولكم تبقى من يسار ويمين
    ومن الجنوب وتأصل حدود حايل
  • قلته وانا ربعي كعام المعادين
    خيّالة الشرفاء عما كل عايل
  • مشاعبة تقدم على العسر واللين
    وفعولهم تشف الكبود الغلايل
  • قومٍ على كسب النواميس عجلين
    وهرجي صحيح ولايبيله دلايل
  • يامرحبا ترحيبةٍ تقضي الدين
    إعداد ضوح البرق وسط المخااايل
  • ——————————————————-
  • الرد:
  • رد البدايع يابن مدغم علي دين
    يوم انت كفو للحكم والمثايل
  • ضمنت قافك بالجزيلات تضمين
    وارهيت من عدٍ قراح وزلايل
  • رحبت والترحيب سلم الكريمين
    واقول تبقى ياحميد الخصايل
  • بضيافة الي ياعسى ايامه سنين
    الشيخ مذكر حاز كل الفضايل
  • على شدادك ياوريث العزيزين
    لاهنت يامذكر طويل المهايل
  • ورثك قديم وفيه عزّة وتمكين
    حي البعير الي يشيل العدايل
  • شيخ وشجاع وحافظ جوهر الدين
    تحفظ حقوق الله فروض ونفايل
  • وثفيّل قبلك زبون المخلّين
    والفعل ماغطت عليه النصايل
  • مع معزّي له من الجيش ثلثين
    ياطى على جمر الفتن والملايل
  • جمّلت ربعك راجحين الموازين
    الاد نابت مفحمين الاصايل
  • في قمة الغلبا حرار وشياهين
    خيالة الشرفا كبار الفعايل
  • امداحهم تملى الكتب والدواوين
    قوم وقايعهم جداد و أوااايل
  • سبعان والسبعان للسيف مروين
    والعزوة الغلبا نهار الصمايل
  • قلته وربعي للمهمات قاضين
    والرجل ماله دون ربعه بدايل
  • الاد بن منهد على الخصم قاسين
    على ظفرنا يشهدون القبايل
  • كم جمع قوم بالهزايم مقفّين
    من ضربنا راحوا جموع ووصايل
  • وارسل جوابي لابن مدغم يابو حسين
    المشعبي شيخ الحكم والمثايل

عبدالرحيم بن حثلة البهيشي

شاركـنـا !
Digg thisTweet about this on TwitterShare on TumblrShare on StumbleUponShare on LinkedInShare on RedditShare on YummlyPin on PinterestShare on Google+Share on Facebook
أترك تعليق

تابعنا علي شبكات التواصل
تغريدات تويتر
صحيفة نازلة بللحمر الإلكترونية