Loading...
القائمة الرئيسية
مرثية علي بن سعيد ال شفلوت في والده

عبدالرحمن آل فضلي ( ال مورق) :

هذه مرثية جادت بها قريحة الشاعر علي بن سعيد بن شفلوت من قبيلة آل مورق نازلة بللحمر في والده غفرالله له ورحمه واسكنه فسيح جناته

راح الحبيب اللي على الطيب مبداه
وحدب الضلوع الحزن خيم وراها

راح السند واصبح بقبره … وغطاه
واصبح وسط ذاك القبور … وثراها

هلت دموع العين من حر فرقاه
ونار الحزن شبت وجانا لضاها

مرحوم يا شيخٍ على العز مرباه
عز الرفيق وعز ديره ….. وطاها

عز الذي مضهود من جور دنياه
من راس قومٍ تحمي اللي .. وزاها

عينه على العليا دوامٍ ومرماه
مايعتذر لا صار واجب وجاها

شيخٍ بفكره عَزْ دينه ……. ودنياه
ماهمه العذال وكثر …… اشوراها

هذاك ابوي اللي على الصدق ممشاه
ورجله على الزله فلا قد …. حداها

الموت غيّب سيد الفكر ….. واخفاه
والحكمه اللي تخدم اللي ….. وعاها

الموت ما منّه مفرٍ ……. ومنجاه
ولا فاد عيني حزنها من بكاها

اي والله ان القلب ماهو ….. بينساه
ياكيف ينسى صفحةٍ قد …… قراها

ياويل قلبي من فراقه يا ويلاه
عزالله ان النفس وصلت ….. مداها

والزفره اللي داخل الصدر … والآه
ماجابت لنفسي علاج ….. ودواها

لو البكاء بيرد غالي …. فقدناه
كان العيون اروت الاراضي بماها

ماباقي الا دعوت الرب …. رباه
يارب بيّض صفحةٍ قد ….. طواها

يالله عسى في جنة الخلد مثواه
في جنةٍ شوق العيون ….. ومناها

ويارب تجمعنا بجنّتك …… واياه
ياعالمٍ سد النفوس …. وخفاها

عوضك يابويه بكسابة …. الجاه
العصبه اللي عز من هو نصاها

اخواني اللي تاج راسي ومكساه
العصبه اللي ما اعرف الا وفاها

ابو فيصل …

شاركـنـا !
Digg thisTweet about this on TwitterShare on TumblrShare on StumbleUponShare on LinkedInShare on RedditShare on YummlyPin on PinterestShare on Google+Share on Facebook
أترك تعليق

تابعنا علي شبكات التواصل
تغريدات تويتر
صحيفة نازلة بللحمر الإلكترونية