Loading...
القائمة الرئيسية
(مارد الهاجس ) للشاعر عبدالله بن عبده الاحمري

يطل علينا شاعر من قبائل بني هشام نازلة بللحمر من وقت لاخر بابداع متجدد وشاعرية غزيرة متدفقه . انه الشاعر عبدالله بن عبده ال فضلي الاحمري من قبيلة ال مورق بني هشام نازلة بللحمر

مارد الهاجس براسي يوم هاضي
تشرّع البيبان لو هو ماطرقها

اطلق الونعم من الجن الرباضي
فكّها من قيدها اللي كم وثقها

من له الحيله وله حق إعتراضي
لا يعارض درب بن فضلي طرقها

يرتوي ريقه على جال الحياضي
وأرتوي من غيمةٍ جزلٍ غدقها

السنين تمر وتزيد إتّعاضي
واللسان يصان في كلمه نطقها

والقصيده لا تسمّت حكي فاضي
قل لشاعرها تربّع في مرقها

خل إذنك للشعر حاكم وقاضي
تحكم اللي قالها ولاّ سرقها

وأما أنا لو تكثر الناس الخواضي
والدويس يلفّ قمحه معْ ورقها

أعزلك يالصيب عن حَبّ القياضي
لو تشعّى مدّها ولاّ فرقها

وأنت ياشاعب ذلولك بالفياضي
يامعاكس للحضارة في طُرقها

وين ناوي يامجدد وقت ماضي
كان دربك صوب نجد اللي عشقها

شاعرٍ لاشاف برق الغيم ناضي
يدعي الله نجد تروى من ودقها

خذ وصيّه ماهي بكشف المقاضي
بل رفيف الروح يومه يصطفقها

الوله والبعد والشوق انتفاضي
ريح تيبس نبتة الروح وعرقها

والمطيّه شدّها والبال راضي
قبل شمسك يالكفو يبدي شعقها

حثّها معْ جانب الهضب العراضي
وأرخْ لامن شفت لك هجن يسبقها

إن وصلت العاصمة اصحى تحاضي
أي عاذل يدّعي بأنّه رمقها

سوقها ياعزوتي شرق الرياضِ
يم حارة من معاليقي نتقها

والدليل لبيتهم لون البياضي
ريحة الريحان بالحوش وحبقها

حط مكتوبي بصندوق لعكاظِ
جنب بابه مشترك يقرأ ورقها

وافترض بأنك لقيته افتراضي
علّمه بمفارقه روحي حرقها

وطمنّه لو هو يصير الحال قاضي
والنوايا تختلف بيض وغمقها

ينولد حبّه ولا جاه إنقراضي
لا انقرض حب البشر ولاّ عِشقها

وأختصر له حالتي ريم الرياضِ
ببيت شاعر دمع عينه كم غرقها

ليت مابيني وبينه من أراضي
مثل ماهو بين عيني وبين أرقها

?أبو وسام

وأعتذر من الجميع على الإنقطاع المتكرر عن هذا الملتقى لظروف العمل ،،
دمتم بود ..

شاركـنـا !
Digg thisTweet about this on TwitterShare on TumblrShare on StumbleUponShare on LinkedInShare on RedditShare on YummlyPin on PinterestShare on Google+Share on Facebook
أترك تعليق

تابعنا علي شبكات التواصل
تغريدات تويتر
صحيفة نازلة بللحمر الإلكترونية